درمة : في يوم الجمعة ٢٥ جثمان دفناهم بمقابر أم درمان بسبب كورونا

0 565

كتب الفنان عاصم البنا

مشينا دفنا زوجة عمي الساعة ١١ م الجمعة بعد رحلة بحث عن سرير في العناية المكثفة لثلاثة أيام متصلة و كانت عايشة في سيارة لآخر ثلاثة أيام في حياتها .

و هي تحمل أنبوبة أوكسجين و تبحث عن سرير إنعاش ، و لم ننجح رغم كل معارفنا و علاقاتنا و عدم كفاية ما يكفي الوضع .

الحمد لله دفناها الآن و جينا البيت هسه .

درمة في المقابر قال لي دا الجثمان رقم ٢٥ دفناه اليوم الجمعة بسبب كورونا .

هل من عاقل في هذا البلد المتجاهل حكمها ما راضي يغلقها .

يا أهلي السودانيون علموا العالم إنكم من يصنع الثورات و الوعي الصحي أرجوكم كلللل زول فيكم مهم جدا و خطر علي أقرب الأقربين و علي البلد .

التباااااعد التبااااعد التبااااعد الوعي الوعي الوعي الله يكون في عون السوداااااانبالمناسبة شكرا للزول الإنسان في ميدان المولد الأداني الكيس مجانا عشان نلف بيهو الجثمان مجانا و قد دمعت عيني لكونك قدرت الجثمان و عمل الخير .

لأنه السوق أغلق أبوابه و لم اجد غيرك ، شكرا من قلبي و بإسم أسرتي

احصل على تحديثات في الوقت الفعلي مباشرة على جهازك ، اشترك الآن.

تعليقات
Loading...
error: عفوا لا يُسمح بنسخ محتوى الموقع