? دبابيس من صحف الاربعاء 21 اكتوبر 2020م
⚠
*اللهم عليك بهم*:
? لا يأخذني شك ولو واحد في المليون أن الاصوات التي تبذل جهدها في نشر الاشاعات والأكاذيب في محاولة لقتل فرحة الشعب السوداني برفع اسم السودان من قائمة الدول الراعية للارهاب أصوات حاقدة وتكره هذا الشعب وهذا الوطن …….
ه
ه
⚠ حتى يموت المغتاظ بغيظه ويحيا الشعب الحر على بينة:
? من سفير السودان بواشنطن.
السلام عليكم الاخوة الكرام…
١. الاتفاق الثنائي بين البلدين توصل لتسوية الدعاوي ضد السودان امام المحاكم الامريكية بموجب قوانين الارهاب مقابل إزالة السودان من قائمة الدول الراعية للإرهاب وتغريدة ترامب هي صفارة البداية لمصفوفة إجراءات متفق عليها بين الطرفين وصولاً لإصدار الأمر التنفيذي بإزالة السودان من قائمة الدول الراعية للإرهاب وإخطار الكونغرس وإخطار المسجل العام ثم الإعلان عن حزمة مساعدات اقتصادية.
٢. السياسة الخارجية مسؤولية الرئيس الامريكي ولا يتطلب موافقة الكونغرس علي أوامره التنفيذية ولكن وكما هو الحال في كل الاوامر التنفيذية فإنه يمكن للكونغرس التصويت علي رفضها ولن تنطبق هذه الحالة علي القرار التنفيذي الخاص بالسودان لأنه يحظي بإجماع الحزبين الجمهوري والديموقراطي حيث تم التواصل مع قياداتهم في مجلسي النواب والشيوخ وتأكدت موافقتهم علي إزالة السودان من القائمة.
٣. تتركز الاعتراضات والشواغل علي قانون الlegal peace وتنحصر في السيناتور شومار عن ولاية نيويورك وتتمثل أهميته في انه زعيم الأقلية الديموقراطية بمجلس الشيوخ بالاضافة للسيناتور مينانديز عن ولاية نيوجيرسي اللذان يركزان علي ضرورة منح ضحايا سبتمبر استثناء يتيح لهم الاستمرار في مقاضاة السودان بموجب قوانين الارهاب وذلك الأمر الذي نرفضه ونناهضه بشدة ولعله من الضروري الاشارة لأنهما لم يستطيعا كسب اصوات من الاعضاء الديموقراطيين في مجلس الشيوخ حتي الآن لا سيما ان مشروع القانون نفسه يقدمه للكونغرس السيناتور كريس كونز وهو أحد قيادات الحزب الديموقراطي وبذلك نؤكد ان الموضوع ليس خلافا بين الحزبين علي بنود التشريع بل نؤكد ان التوصيف الصحيح هو محاولة من اثنين من الاعضاء توظيف نفوذهما داخل المجلس لصالح ناخبيهم لان ضحايا سبتمبر يتوزعون بين ولايتي نيويورك ونيوجيرسي.
٤. مبلغ التعويضات جاهز منذ أكثر من شهرين وسيتم تحويله إلي حساب مشترك Escrow Account في بنك بدولة ثالثة وفقاً لإتفاقية تحدد الغرض من فتح الحساب وتفصل شروط السحب منه وتتضمن شروط السودان الواضحة بألا يتم الإفراج عن المبلغ للجانب الأمريكي إلا بموجب شرطين علي النحو التالي :
أ. صدور الأمر التنفيذي بإزالة السودان من قائمة الدول الراعية للإرهاب ودخول القرار حيز التنفيذ بنشره في المسجل العام ( وذلك يشمل فترة اخطار الكونغرس وقدرها ٤٥ يوما) .
ب. إجازة تشريع الlegal peace وفقاً للنص المتفق عليه بين الطرفين ويحقق للسودان ما يصبو إليه من سحب كل القضايا من أمام المحاكم الأمريكية واستعادة حصانة السودان فلا يتم قبول قضايا ضده بموجب قوانين الإرهاب.
٥. تسير الترتيبات بشكل جيد ونثق أنها ستبلغ مأملها بصدور الأمر التنفيذي في وقت قريب بإذن الله وبعدها سيتم التوافق علي الصيغة النهائية للتشريع لتتم إجازتها ضمن حزمة القوانين الخاصة بالمخصصات المالية للدفاع والتي سيبدأ الكونغرس مناقشتها في الاسبوع الثاني من نوفمبر ( أي بعد الانتخابات ) .
لا تسمعوا لمن يدعي بهتانا بأن الكونغرس لن ينعقد الا في يناير ٢٠٢١ ، الصحيح ان محلس الشيوخ عاد من عطلته للعمل اليوم والكونغرس بغرفتيه سيواصل عمله في نوفمبر عقب الانتخابات وعليه إجازة قوانين مهمة مرتبطة بتوقيتات ملزمة وتجري الترتيبات ليكون التشريع الخاص بالسودان من ضمنها………
? دا السفير لما يكون مركز في مصلحة بلده وليس ذلك الذي يركز على مؤخرات جرسونات بارات مانهاتن وراكبات القطار………
ه
ه? الوطن:
? إيقاف التصاديق السكنية و الزراعية بولاية الخرطوم
? نحن ما دخلنا كلموا علي كرتي وزوجة اللواء ه? الوطن:
? شعبة مستوردي الأدوية تحذر من نقص حاد
? والله الادوية قبل تظهر شعبتكم دي أصلو ما في زول اشتكى منها
ه
? الوطن:
? المالية :
40% من الوقود المدعوم يهرب للخارج ? دا هقيقة لكن الراي شنو؟
ه
? الوطن:
? وزير الخارجية :
رفع البلاد من قائمة الإرهاب إنتصار
? انتصار وامل وأمال ومحاسن ذاتها كمان
ه
? الوطن:
? الحكومة تضع ثلاثة سيناريوهات للتعامل مع الجنائية
? حقو واحد من السيناريوهات دي يكون نربط المتهمين وفي اوتاد في ميدان عام ونخلي الشعب يتصرف وبن سودا تتفرج
ه
? التيار:
? مليونية 21 أكتوبر تحبس آنفاس الخرطوم
? ألذ ما فيها أنها جاءت بعد رفع اسم السودان من قائمة الكيزان
ه
? التيار:
? جامعة الخرطوم تستعيد عقارات نزعها المخلوع
? المخلوع زي الفار ما خلى حاجة ما قرض منها
ه
? التيار:
? محاكمة مدبري انقلاب 89 والقاضي يوبخ دفاع المتهمين
? أديلهم بالحتة الفيها الحديدة
ه
? التيار:
? توقف التصحيح بامتحانات الشهادة السودانية
? وين اللص بتاع امتحان الكيمياء الأطلقت سراحة خالتي عاشة خلوهو يجي يصحح
ه
? التيار:
? النيابة العامة تحدد المشتبه بهم في أحداث كسلا
? عرفتوهم براكم والا سألتوا العنبة الرامية فوق بيتنا
ه
? التيار:
? تحالفات قوات التغيير يعلن انسلاخه من الحركة الشعبية جناح عقار
? أمممك كدا عقار قعد امفكو
ه
? التيار:
? بنسودا :
زيارتي الخرطوم ليس خاتمة مطاف
? سيك سيك
ه
? السوداني الدولية:
? هبة: قوانين جديدة للاستثمار وتغيير سعر الصرف
? خشب الله عبدالناشف دا عشوهو قبل اصدار القوانين
ه
? السوداني الدولية:
? الصحة تجهز مراكز للعزل تحسباً لكورونا والحمي النزفية
? ال بي يجيكم منو للعزل ؟
ه
? السوداني الدولية:
? (العدل) تؤجل امتحان القانون الجنائي
? لقيتوهم ما جاهزين والا شنو؟
ه
? السوداني الدولية:
? سبدرات:
البشير حرم من حقوقه ومنع من تشييع والدته.
? الزول دا متأكدين انه محامي؟
ه
? الصيحة:
? موقع إسرائيلي:
إعلان التطبيع سيتم بمحادثة رباعية خلال أيام
? رباعية حريق والا ويست؟
ه
? الصيحة:
? بنسودا:
تأكيدات من البرهان بمحاسبة مرتكبي جرائم دارفور
? الراستا أظنو أرجاكي واقف قنا
ه
? الصيحة:
? توقيف عصابة نهب بقيادة فتاة تنتحل صفة (الدعم السريع)
? يعني الفتاة عاملة فيها (دعماية سريعة) والا العصابة
ه
? الصيحة:
? إضراب للعاملين بالطيران وإغلاق المطارات الأحد المقبل
? فرصة لشنط المسافرين تاخد راحة من الفتح والخطف
ه
? الانتباهة:
? إغلاق جميع الكباري في الخرطوم
? غايتو كبري الدباسين مرتاح من الغلق دا
ه
? الانتباهة:
? وجدي صالح لـ(الإنتباهة):
بلاغات حول سرقة أصول مستردة
? الزول دا بقى زي كبسور
ه
? الانتباهة:
? نهب خزينة جامعة الدلنج
? نهب والا سرقة؟ النهب دا يعني قلع عديل
ه
? الانتباهة:
? قوات خاصة لجمع السلاح قسرياً بولايات الشرق
? قسريا ما نفعت كدي جربوا قيصرياً
ه
? آخر لحظة:
? إغلاق الكباري ولجان المقاومة ترفض إسقاط الحكومة
? ولا عزاء للزواحف المشتركين في المليونية
ه
? آخر لحظة:
? بعد الرفع .. (1.7) مليار دولار للسودان سنوياً
? تلقى المخلوع بلع ريقه
ه
? آخر لحظة:
? تعليق السفر ببورتسودان وإضراب أصحاب الحافلات بالأبيض
? يعني بالعربي كدا كل زول يقعد عند أهله لا يشرق لا يغرب
ه
? النيل الدولية:
? موقع اسرائيلي:
تل ابيب والخرطوم على وشك الاعلان عن تطبيع العلاقات خلال أيام
? نشوف طرمبة عمل شنو في موضوعنا وبعدين لكل (حادس حديس)
ه
? النيل الدولية:
? وزير الخارجية:
ملف المدمرة كول تم طيه تماما
? والله ملفات الكيزان دي مابتكمل هسع باكر يظهر خاذوق جديد
ه
? النيل الدولية:
? وقاية النباتات بالقضارف:
انتظام حصاد السمسم رغم آفة الهاموش والكعوك والدودة الإفريقية والعنتد والجراد ساري الليل والفأر والسيول والأمطار
? هسع سمسم الجن دا فضل له شنو من الأمراض غير (الايدز)
ه
? تاسيتي الاخبارية:
? المركزي:
ترتيبات صارمة لاستعادة الثقة في الجنيه السوداني
? الجنيه دا ذاتو كوز الا تغيروهو عديييل حتى الثقة ترجع
ه
? السوداني:
? نادي النيابة العامة يطالب باستقالة أو إقالة النائب العام فوراً.
? حبرو كعب والا شنو؟ هه
