دبابيس من صحف الثلاثاء 20 اكتوبر 2020م
ه
ه⚠ غرد ياحمدوك:
👈 غرد يا حمدوك وضع يمينك في يدي ودع الإشاعة للجداد الأسود …….غرد غير مذموم فموطني بعد هذا اليوم اضحى حرا طليقا غير مقيد ه
ه ⚠ *أخبار الجداد*:
👈 هيجان كبير في اوساط الجداد وفلول النظام المباد ومساعي حثيثه للتقليل من حجم خبر رفع اسم السودان من القائمة السوداء التي أدرجنا فيها بسببهم…….اصرار حمدوك على فصل عملية حذف اسم السودان عن عملية التطبيع مع اسرائيل لخبط كيانهم…..
📌 فعلها حمدوك ولا عزاء للفلول……… ه
ه⚠ *ثم ماذا بعد الرفع*:
👈 يترتب على خروج السودان من قائمة الدول الراعية للإرهاب فوائد عديدة أهمها:
• السماح بالتحويلات البنكية بين السودان والخارج دون اللجوء لطرف ثالث أو دفع كوميشنات للسماسرة
• امكانية حصول السودان قروض من البنوك العالمية وبيوت التمويل
• امكانية حصول السودان على التكنولوجيا ووسائل الإنتاج.
• وصول المنتجات السودانية للأسواق العالمية
• السماح للشركات العالمية بدخول السودان والاستثمار فيه دون تعرضها لعقوبات امريكية
• اتاحة الفرصة لجامعاتنا ومؤسساتنا التعليمية للتواصل والإرتباط بالجامعات ومعاهد البحوث حول العالم.
ه
ه📰 الصيحة:
👈 جدل حول إغلاق الكباري غدا .
📌 ماشين وين ذاتو ؟
ه📰 الصيحة:
👈 ترامب: سأرفع العقوبات بعد دفع التعويضات .
📌 نحن بي ندفع لكن يدخلن عليكم بالساحق والماحق والبلاء المتلاحق
ه📰 الصيحة:
👈 الفجوة الدوائية تصل (70%) وخروج شركات .
📌 انتو ورونا الأدوية المتوفرة وخلاص
ه📰 الصيحة:👈 توقف الدعم النقدي للأسر وتغيير المسئول عن المشروع .
📌 قبيل شن قولنا ؟
ه📰 الصيحة:
👈 قوة مشتركة لرقابة الطلمبات ومواقع خاصة لتزويد النظاميين .
📌 الطلمبات دي الا تجيبوا ليها قوات أجنبية
ه📰 الصيحة:
👈 بنسودا: لن يتم تسليم المطلوبين للجنائية في هذه المرحلة .
📌 أحسن خليهم في سهر الجداد دا
ه📰 التيار:
👈 أخيرا.. ترامب يغرد .
📌 يغرد فوقو البوم ، سمسار حقير
ه📰 التيار:
👈 سفير السودان بواشنطن للتيار: الآن نودع الأموال .
📌 بيض الله وجهك ، رفاقتك زمان شغالين صاجات ساكت
ه📰 التيار:
👈 فرحة تعم الشارع السوداني وتفاؤل .
📌 الله يتمها ليهم
ه📰 السوداني:
👈 حمدوك: القرار سيفتح الباب واسعا للسودان للإنضمام للمجتمع الدولي .
📌 حصوة في عين اللي ما يصلي على النبي
ه📰 السوداني:
👈 ضوابط صارمة لتوزيع الوقود بولاية الخرطوم .
📌 فترنا
ه📰 السوداني:
👈 البنك الدولي يُموِّل مشروعاً بولاية الجزيرة .
📌 خلاص بدأ يحن؟
ه📰 السوداني:
👈 مفرح: قضية الحريات الدينية كانت سبباً لوضع السودان في قائمة الدول الراعية للإرهاب .
📌 السبب نحن عارفنو بس خليناهو لي الله
ه📰 أخبار اليوم:
👈 الإتحاد الأوروبي: وأخيرا تننتهي عزلة الشعب السوداني التي استمرت أعواما طويلة .
📌 مين سمعكم
ه📰 أخبار اليوم:
👈 البرهان يعبر عن تقديره والشعب السودانى للرئيس الأمريكى وحمدوك يخاطب الشعب السوداني .
📌 نظام ما تنسونا ياخي
ه📰 أخبار اليوم:
👈 وزير الخارجية الأريتري ومستشار الرئيس أفورقي يزوران الخرطوم اليوم .
📌 عاوزين شنو؟
ه📰 آخر لحظة:
👈 إعادة صلاحيات للمخابرات ونشر الجيش بمحطات الوقود .
📌 والله نحن عندنا اصلاح المخابز أهم من اصلاح المخابرات
ه📰 آخر لحظة:
👈 (3) خيارات لمحاكمة البشير .
📌 كتار الخيار الوااااحد مالو عيبوه لي
ه📰 آخر لحظة:
👈 بيتاي يحذر الحكومة من إهمال الشرق .
📌 يا شيخ العرب البلد كلها كانت مهملة ادوا الناس فرصة يصلحوها ليكم
ه📰 آخر لحظة:
👈 مدني: مصالح شخصية وراء عدم جودة صادراتنا .
📌 ياخي؟
ه📰 النيل الدولية:
👈 بنسودا: دور المحكمة لهذه الفترة يقتصر على المزيد من التحريات .
📌 اتحري ياختي اتحري ، حد حايشك ؟
ه📰 النيل الدولية:
👈 النيابة العامة تُحدد المتورطين في أحداث كسلا .
📌 كويس أها ورونا حا تعملوا فيهم شنو؟
ه📰 النيل الدولية:
👈 توصية بعودة الاقاليم .
📌 لو لقينا طريقة للعودة لسنة 1955 يكون أحسن
ه📰 السوداني الدولية:
👈 صغيرون تستلم تقريراً عـن مؤسسات التعليم العالي غير الحكومية .
📌 خير اللهم اجعله خير
ه📰 السوداني الدولية:
👈 التعايشي: تغييرات جذرية في آليات ومنهج اختيار الوزراء .
📌 نشيف
ه📰 تاسيتي الأخبارية:
👈 حمدوك: نتطلع إلى إخطار الكونغرس رسمياً برفع السودان من قائمة الإرهاب .
📌 شفت انت ، دي ما كتار ال حا يفهموها
ه📰 فجاج:
👈 ضبط دقيق فاسد بالأبيض .
📌 دقيق كوز؟ ه📰 فجاج:
👈 (العمل) تقر بعدم وجود بيانات للفقر .
📌 الفقر بياناته معروفه اعرفوا لنا الغنى جاء من وين للأغناء
ه📰 فجاج:
👈 ضبط تمباك داخل جوالات كركدي بمطار الخرطوم .
📌 يمكن نوع جديد ه
الحريـــة نــيــوز
