الخرطوم: الحرية نيوز
شكرا سفيرنا علي بن حسن جعفر وقنصلنا المستشار رافت فتحتو لينا التقديم لليوزر وقدمنا اليوم اوراقنا عبر سفاره دولتنا الشقيقة
لكن نبكي ونقول حليل اليوزر المتخفي مننا دون اسباب
لااتنكرنا ليهو لايوم قفلنا منو الباب
يقولو قروشو كتيره نقابل فلسنا بالترحاب
وكل مانقول جاتنا الفرصه براها نلاقي ظننا خاب
تبكيك المكاتب المسكونه بالفيران و اتعطلت شاشاتا
زايده خسائر ا ومتواليه يوت نكباتا
ونحن بنحب مكاتبنا بكل عاهاتا وكمان حركاتا
وقلنا وحاتا
خليتو المكاتب بدون يوز لاها الحيه ولا اعلنا مماتا
شوف المكاتب الضمه ماشقاله
الحاله واقفه عديييل والايجار بالجد ملاله
اصحاب المكاتب بالضيق مهمومه وحالتنا حالا
والكهربا رغم الغلا تدلع فينا وتجينا بمزاجا
حزنانين عليك ياليوزر ودموعنا تملا صفائح
دخل ماعندنا وكل البنصرفو ساكت رائح
بقينا زهجانين من عوادم الركشات عامل كتمه
عدمانين خلاص لاحق مروحه ولامكيف نسمه
نقول السفارة قاصدانا ولا الحكايه اصلا قسمه
يادرج الخمج وراك روحنا طلعت ولسانا انسل
راجين الريال وانا ومندوبي لو ريقنا انبل
شايفين الناس عندها يوزر ونحن والمساكين لينا الله
