إيهاب عدلان : العبريين قتلو النبي موسى لأنو كان بتمتم وأحمق ومابفهمو لغتو

0 132

كتب ايهاب عدلان الروائي السودان أن النبي موسى كان كاهن سوداني كوشي نوبي عاش قبل ١٢٠٠ سنة قبل مريم تلد النبي عيسى. موسى شال النظام الأخلاقي والدين النوبي القديم نقلوا لاخناتون فى مصر. الوقت داك كان فى قبيلة مضهدة، وشغالين خدم.. هم ديل اليهود ديل.

وقت جاء التوحيد الاتوني النقلوا موسى وأسسوا فى مصر مع اخناتون، مصر امورها جاطت بسبب التوسع ودق جرس الكهنة القدام بعد فقدوا امتيازاتهم.. موسى اتواصل مع العبريين/ اليهود/ قول بنى إسرائيل ما فارقة. المهم حنكهم يطلعهم ويتبنوا دينو الجديد. وافقوا لأنه كان منقذ ..

المهم هم طالعين ضاعوا فى صحراء سيناء أربعين سنة، موسى اداهم فيها وصايا الدين النوبي القديم ( الوصايا العشرة الحالية دى) وبعد داك قتلوا موسى فى الصحراء بعد زهجوا منو .. لأنه ما كان بفهموا لغتو كويس وكان بتمتم واحمق.

المهم ذات الدين النقلوا موسى سألوا معاهم وبإضافات جا الدين اليهودي والعهد القديم البنعرفو هسي دا. ومنه الدين اليهودى دا جات المسيحية ومنو جاء الإسلام لكن بتركيب الهوية الجديدة للنبي العربي ( محمد) .. كما فعلوا كتبة اليهود وقت اولوا الدين الكوشو/ نوبو/ مصري إلى صالحهم العرقي ذى انهم مثلا ( شعب الله المختار ) ودى اصلا جملة وثقافة كوشو/ نوبية .. كانوا الكوشو/ نوبيين لانهم إمتياز حضاري قيمي مختلف بفتكروا ( انهم أبناء الإله امون) النسبو ليو كندكاتهم زي امو(ني) _ ( اماني) ريناس وهكذا.

المهم الإسلام الحالي دا فى نظاموا القيمو/ اخلاقو/مكي، هو نفسو اليهودي، لانو نفسو الاداهو ليهم موسى وقت جابوا معاهو من كوش.

دا الحصل .. وعلميا مافى ولا اى حاجة ممكن تنسف الكلام الفوق دا، لكن فى الف حاجة ممكن _ علميا _ تأكدوا.

https://chat.whatsapp.com/KrX6tYGn7Cv8qnHo9SiQuw

احصل على تحديثات في الوقت الفعلي مباشرة على جهازك ، اشترك الآن.

تعليقات
Loading...
error: عفوا لا يُسمح بنسخ محتوى الموقع