? دبابيس من صحف الأحد 25 اكتوبر 2020م

0

الحريه نيوز تقدم لكم :

? دبابيس من صحف الأحد 25 اكتوبر 2020مه

ه

*سؤال*:

? للسيد وزير الخارجية: الزول بتاع وزارة الخارجية داك الفنشتوهو عشان قال السودان حا يطبع مع اسرائيل هسع لو لاقاك في الشرع تقول له شنو؟ شالوم؟……

ه

ه

*لو ما مصدقنا أسأل تويتر الرامي فوق بيتنا*:

? أي زول معترض على التطبيع يخطف رجله على تويتر ويتفرج على العنصرية وقلة الأدب والبذاءة وسوء الخلق وقلة التربية عشان يعرف وين يقيف………

? ما يجي زول شغال بي 3310 يقول دي تصرفات فردية………

ه

ه

*لالوب تركيا ولا تمر السودان*:

? بتاريخ 18 يوليو 2016 غرد خالد مشعل على صفحته في تويتر قائلاً: نشكر السيد أردوغان علي #التطبيع المثمر مع العدو الصهيوني لما سيسفر ذلك عن فتح قناة اتصال قوية للحركة مع العدو و فك جزئي للحصار عليها…….

? طيب نحن تطبيعنا بالع حبوب منع الحمل والا شايل الرحم؟

ه

ه

? الوطن:

? تداعيات التطبيع.. البعث ينسلخ الناصري يهدد

? مع السلامة والقلب داعي لكم نتلاقى في الانتخابات

ه

? الوطن:

? حميدتي : الشعب السوداني ليس ارهابياً وضد العنف والتطرف

? صدقت لكن اتصلتت عليه جنون من بلاد الاكس

ه

? الوطن:

? وصول “68” الف طن قمح دعم من الإمارات

? بدت تنقط

ه

? الوطن:

? بروفيسور بوب: أزمة الخبز سياسة ممنهجة من الحكومة

? ياعم هي الحكومة لاقية طريقة تتنفس عشان تمنهج

ه

? الديمقراطي:

? مطالبات بإلغاء قانون مقاطعة إسرائيل لسنة 1958

? اذا حضر التطبيع بطلت المقاطعة

ه

? الديمقراطي:

? اختيار سودانية رئيسة للمستشارين الشباب للأمم المتحدة

? مبروك للشباب والكنداكات

ه

? الديمقراطي:

? النقد الدولي : رفع السودان من قائمة الإرهاب خطوة لتخفيف الديون

? ال بي يقنع الجداد شنو؟

ه

? الديمقراطي:

? زراعة 80 الف فدان قمح بالجزيرة خلال العروة الشتوية

? ربنا ينجحها ويبعد عنها الآفات واولاد الحرام

ه

? التيار:

? نتنياهو: وفد إسرائيلي يزور الخرطوم قريبًا

? مرحب

ه

? التيار:

? صندوق النقد: المتأخرات تعرِقل تقديم المساعدات للسودان اقتصادية

? الله يعرقل عملها

ه

? التيار:

? الحرية والتغيير: وزيرة المالية «رمت» نصائحنا في سلة المهملات

? يخسي عليها احرجتكم

ه

? التيار:

? قيادي بتجمع المهنيين لـ(التيار): عائدات صادر الثروة الحيوانية لا تورد للخزينة العامة

? متعوداااا دايمنننن

ه

? التيار:

? الاتحادي الأصل بزعامة الميرغني يعلن تأييده للتطبيع مع إسرائيل

? أها هسع اللمام في الحالة دي يعمل شنو؟ ما تلخبطوا الحسابات

ه

? التيار:

? أردول يوجه بايقاف الملاحات الغير ملتزمة بدفع الالتزامات المالية

? نشيف رايك شنو

ه

? التيار:

? الصحة: تسجيل (9) حالات جديدة بفيروس كورونا المستجد

? نحن هسع مشغولين بالتطبيع ما فاضيين لي كرونا ولا جربوكس

ه

? الانتباهة:

? العدل : لايوجد بند بالوثيقة الدستورية يمنع التطبيع

? يازول منع التطبيع دا موضة قديمة وانتهت ، زي دق الشلوفة والشلوخ

ه

? الانتباهة:

? مجلس السيادة : معدل الفقر يتجاوز 50٪ في 8 ولايات

? أها وانتو منتظرين لحدي ما يعم الولايات التانية والا كيف ؟

ه

? الانتباهة:

? الخارجية : إعلان التطبيع لايشمل فتح سفارات

? ما عاوزين ، سفاراتكم دي ذاتها كلها جبايات

ه

? الانتباهة:

? عرمان : البلد إذا ما ربطوها في المرسى الموية بتشيلها

? يا كمرد تشيل شنو البلد ماشية بين (أم مايين) ليها زمن

ه

? الانتباهة:

? حريق هائل بمقر منظمة الدعوة الإسلامية

? دي مستندات اتلحست

ه

? النيل الدولية:

? غوتيريش: نامل ان تؤدى العلاقات بين السودان وإٍسرائيل لتعزيز التعاون

? ونحن كذلك يا غوتيريش يا اخوي

ه

? النيل الدولية:

? الجنيه يتحسن نسبياً أمام العملات الأجنبية بعد رفع الحظر

? يكون شمموهو شيكل

ه

? النيل الدولية:

? الشيوعي يعلن رفضه للتطبيع مع إسرائيل

? ليه؟ ما تراها روسيا مطبعة

ه

? النيل الدولية:

? المهدي ينسحب من مؤتمر اسلامي احتجاجا على التطبيع مع اسرائيل

? اها تراها دي بوخة المرقة الجد جد

ه

? آخر لحظة:

? التغيير: الإصلاحات الاقتصادية (كبريتة وولعت) في الشعب

? الشعب دا مولع فيهو بابور لحام لديترات ليه 30 سنة كبريتة شنو

ه

? آخر لحظة:

? شاويش: تِرك يمارس التضليل ولا تجميد لمسار الشرق

? طيب المطلوب شنو يعني ؟

ه

? آخر لحظة:

? التطبيع.. انقسام شعبي وسياسي وترحيب عربي

? الصحيح انقسام كيزاني شعبي وترحيب عربي

ه

? آخر لحظة:

? مثول مسؤول بالخارجية أمام محكمة جرائم الفساد

? أممممك

ه

? الصيحة:

? صحيفة أمريكية : التطبيع لإنقاذ الحكومة الانتقالية

? لا عيب ولا حرام

ه

? الصيحة:

? مستشار البرهان : سنتخذ الإجراء للازم في حادثة اختطاف ونهب الصحفي

? نشيف

ه

? الصيحة:

? أحزاب ترفض التطبيع والمهدي ينسحب من مؤتمر إسلامي احتجاجا

? كلهم يا قول نافع سافوته في اضان فيل

ه

? الصيحة:

? قيادي بالتغيير : رفع الدعم لو تم ثورتكم راحت شمار في مرقة

? ثورتنا راحت شمار في مرقة من يوم نطيتو فيها باجتماعكم وطربيزتكم المهلهلة ديك

ه

? أخبار اليوم:

? التطبيع يؤزم العلاقة بين الإمام والإنتقالية وحزب الأمة يلوح بإجراءات عملية.

? عملية لوز والا بواسير؟

ه

? أخبار اليوم:

? قوى سياسية ترفض التطبيع والبعث السوداني يتخلى عن دعم الحكومة الانتقالية.

? بالطقاق

ه

? أخبار اليوم:

? البعث يقرر اسقاط التطبيع مع اسرائيل سلميا.

? بالشخبطة على الحيطان ؟

ه

? أخبار اليوم:

? قيادي شيوعي موقف الحزب ثابت ومناهض للتطبيع.

? مافي زول جابركم ، اقيفوا هناك مع الزواحف

ه

? السوداني:

? ايلي كوهين : قرار التطبيع كان جامعا ومتفقا عليه بين أطراف الحكم في السودان

اترك رد

لن يتم نشر عنوان بريدك الإلكتروني.